ATKV Buffelspoort

Nog 'n kamp, en weer reen dit. Heerlik... ek kan die volgende aanbeveel: vat die kampnaweek se Vrydag verlof. Teen middag ete is die kamp opgeslaan (terwyl die ander mense nog uit die stad se verkeer sukkel!).

Die kinders wys mekaar hoe daar nou einlik geverf moet word.


Verder onthou ek dat ons die rugby probeer kyk het... Lucas: wie het nou weer gewen? En ojaaaa daai muurbalbaan maak mens moeg hoor!

Weesgerus

En hierso staan ons by die redelike leeg "groot" sirkel van Weesgerus.


Altyd 'n kampvuur foto.

Dit het so nou en dan gereen... die hele naweek. Gelukkig het dit lank genoeg opgehou dat ons Sondag in die sonskyn kon opslaan.

En vir aktiwiteit het ons lekker tennis gespeel, al het ons net plakkies aangehad. En wie kan nou daai "tieners" vergeet wat nie weet hoe om 'n asblik te gebruik nie!!!?

Ek het nie fotos van dit nie, maar ons het mos lekker krieket gespeel ook, nie waar nie?

Edenpark

So paar fotos van die rustige kamp. Dit was so rustig, dat ek selfs nie eers 1 foto self geneem het nie. Hierdie is almal Lucas se fotos!

Ons het so lekker ge-eet, dat selfs die slange trommeldik geword het...?



Dan maak mens maar die lig by die kamp reg aangesien ek hom nie by huis getoets het nie. Gelukkig is die leatherman altyd byderhand.

Pumbali

Ons het die kamp vir onsself. Is nogal lekker, maar die eland het nogal amok gemaak in die kombuis. Ek wonder of Lucas vlgende jaar so ene in sy vriekas gaan kry?

Roomys is sooooo lekker op 'n warm dag.

Ons koek maar saam in die koelte voordat ons gaan swem.

MerryPebbles

Ons ry ver vir die laaaang naweek.

Bosbad vir die 2 jonstes. Hulle gaan ook nie meer vir te lank dit kan/wil doen nie.

Het 'n paar wilde diere by die grotte gesien.

Dit hetnogal gereeld heeldag gereen. Die res van die tyd het ons maar net in die son gele e so min as moontlik probeer doen!

Met al die gratis hout het ons besluit dat 2 vure beter is as net ene.

Huistoe gaan tyd al klaar! Ek hoop hulle laat my voor in die kar ry (die keer!)?

El Rancho Grande

Dit is Februarie 2007 en ons probeer 'n nuwe kamp plek.

Ons het 'n groot gazebo afdak gebou vir lekker koelte. Die staanplekke is so groot, ons het aan die begin verdwaas rondgestaan en wonder hoe die laer gebou moet word. En toe staan ons almal op 1 plek onder dieselfde boom!

Ons vou papier vliegtuie... en hoop dit verbruik baie energie (die kinders sinne!)

Waar is al my speelmaatjies?

Nie almal kan speel nie: party van ons moet eers die skottelgoed was!

My heel eerste rerige kamp... :-)

Dube

Op aandrang van die Van's het ons die keer die tente en karavaan by die huis gelos (Carla is net nog so effens te klein vir ons gemoedsrus!).


En dit is ons huisie gewees vir die naweek.


Soos altyd het die speel tot baie laat aangehou.


Heel beste maatjies!


Die wild is nie skaam nie- hulle kom sommer na jou huis toe...


Kampvuur elke aand.